یک شعر زیبا درر وصف میرزا کوچک خان

یک شعر زیبا درر وصف میرزا کوچک خان

شاعر : م.م  تخلص "دامون لتریج"

مــــــــــــیـــــــــرزا

ویریسأی مردۊمˇ آزادی وسی

تۊ فقط مردۊمˇ آزادئه خسی

مرد ؤ‌ مردانه تۊ مىدؤن دکتی

آخرˇ سر تگ ؤ تنها وکتی

تی خلاوریم آمۊ کۊجی میرزا

أمی رهبر هیسی تۊ کۊجی میرزا

خنده نؤتی وختی دۊشمن تی بؤمۊرد

بۊرمه نؤتی وختی تی حققهٰ بؤبۊرد

ویریسأى ؤ حقخازی ره جؤن بنأى

آخرن حقخازی سر تۊ جؤن بدأى

تی خلاوریم آمۊ کۊجی میرزا

أمی رهبر هیسی تۊ کۊجی میرزا

وختی مردۊم ظۊلمˇ بۊن دؤسۊس دۊبؤن

ویرسأى ؤ زنگابؤ ای تۋل رۊخؤن

ویریسأى، جنگل تی وسی ویریسأ

مردۊمˇ رهأیی وسی ویریسأ

تی خلاوریم آمۊ کۊجی میرزا

أمی رهبر هیسی تۊ کۊجی میرزا

سردˇ سرما تگ ؤ تنها بۊمؤنس

أمه ره رهأیی-خؤنی بۊخؤنس

هیشکی امما اۊنˇ قدره نۊدؤنس

آمۊ تی قدره دؤنیم گتˇ میرزا

آمۊ تی همرأ مؤنیم گتˇ میرزا

تی پیله گی جی خؤنیم گتˇ میرزا

برگرفته ازکانال گیلان