یاامام رضا

(منظومه امام رضا به زبان گیلکی)
یا امام رضا منم کوتره تی در
بوبوم از هف کوی و هف دریا اوشن تر
ا زمانه های و هو جا خسته یم
تی چومانا من دخیل دوسته یم
تنگه می ا دیل ، من اون ابر بهارم
دوس ذارم لب دودم ، فقط بوارم
تی ضریحا گیرمه ؛ صفا دینم
می چومانا دودم ؛ خدا دینم
آسمان درجکان تی دست امرا وازه به
می بوسوخته دیل تی ورجا تازه به
می مرا فرشته یان دس به دعا
دانمه کی به می حاجتان روا
تو کریمی ، هیشکیا رد نوکونی
شک نارم ، امی دسا رد نوکونی
پر گیرم ، اییم تی ور بشکسه بال
امی دیل خوشی هنه ، ا سال اوسال
امرا باز بطلب باییم تی ور
فاگیریم هیزار تا حاجت ، ای سفر