روبه قبله دعا و درمان چه کنه

روبه قبله دعا و درمان چه کنه

بتمرک وبله قربان چه کنه

کوه واسی دکلایه دره پورابه

چیله چمچه مرا آبدان چوکونه

آه ناره به ناله سودا بوکونه

ویشتایی بمرده دندان چوکونه

حالا خوهرچه بتر حرف حساب

موشته لنگه کوتاه دامان چوکونه

کبچی لبچی دینه گه آق سنه باق

کدخدا مردی ا سامان چوکونه

موشت به پیشانی دست به سفره ای

شکم گوشنه جاایمان چوکونه

یک شیه صدتاجیگاتوشکه زنه

خاش والیسه خانه مهمان چوکونه

آهویه گیه بدو راهیه گه بتاز

جوحه ورور آیه میدان چوکونه

خودا خطم نخوانه کارنداری

فارسه تازه بدوران چوکونه

بداه می درجیکه آجردیچینم

واکوده کوره ره چشمان چوکونه

عزبی بختره پیره بدا زن

خانه سرداماده فرمان چوکونه

وامرازه معرکه گیری امره

سرپیری گازفروشان چوکونه

خاک به سر میدانه بی مردی بوکوشت

پشته خیمه مره افغان چوکونه

بیخودی شوندره آسمان می داد

کافره راسته مسلمان چوکونه

اشعار اززنده یادشیون فومنی